നഷ്ടങ്ങളിലൂടെ

യാത്രയില്‍ ചില കാഴ്ചകള്‍ 
എനിക്ക് നഷ്ടപെടാറുണ്ട്
മാഞ്ഞു പോയ മേഘങ്ങള്‍
നഷ്ടപെട്ട കാഴ്ച്ചയിലോന്നാണ്‌

പ്രണയവും എന്നിലെ ഒരു നഷ്ടമാണ്
ഒരു ജന്മത്തിന്റെ നോവുകള്‍ തുന്നികെട്ടിയ
ഓര്‍മ്മകള്‍ അതിനുള്ളില്‍ കിടന്നു
ജീര്‍ണിക്കുന്നുമുണ്ട് .

ആശ്വാസത്തിന്‍റെതുരുത്തില്‍
ചില നഷ്ടങ്ങളെ ഞാന്‍ ഒളിപ്പിച്ചിട്ടുണ്ട്
കിനാവുകള്‍ കൊണ്ടുള്ള കുപ്പായം
അതിനെ പുതപ്പിച്ചിട്ടുണ്ട്

മോഹനഷ്ടങ്ങളെ ഞാന്‍ മറവിയിലേക്ക്
ഒതുക്കി വെച്ചു,
തീരാനഷ്ടങ്ങളെ കൂടെ കൊണ്ട് നടന്നു '
ഇപ്പോള്‍എല്ലാം നഷ്ടത്തിന്‍റെപട്ടികയിലുണ്ട്