Wednesday, August 20, 2014

നീയൊരു പെണ്ണാണ്

പേറ്റുമുറിയുടെ അടഞ്ഞ വാതിലിനുള്ളില്‍
അമര്‍ത്തി പിടിച്ച വിലക്കുകള്‍ കേട്ടു 
നീയൊരു പെണ്ണാണ് ,
കീറത്തുണിയില്‍ പൊതിഞ്ഞ ചോര കുഞ്ഞിനെ
നീട്ടികൊണ്ട് പതിച്ചി പറഞ്ഞു
പെണ്ണാണ്
വാകീറികറഞ്ഞ കുഞ്ഞിനെ
നോക്കി എല്ലാവരും പറഞ്ഞു
പെണ്ണല്ലേ എന്നിട്ടും ഇങ്ങനെ
ചാടിതുടിച്ച ബാല്യത്തിലും
ആരൊക്കയൊ മുരണ്ടു .
നീയൊരു പെണ്ണാണ്
ഋ തുമതി നാളില്‍ കൂട്ടുക്കാരികള്‍
കാതില്‍ പറഞ്ഞു
നീയിപ്പോള്‍ പെണ്ണായി
ആരുകാണാതെ ഒളിപ്പിച്ച
പുസ്തക താളിലെ
ചെറുകവിത പിച്ചികീറി -
അമ്മ വിലക്കി
പെണ്ണെന്ന ബോധം വേണം
അകമുറിയില്‍ ഉറക്കെ പൊട്ടിചിരിച്ചപ്പോഴും
അട്ടഹാസത്തോടെ ആരോ വീണ്ടും മുരണ്ടു ,
പെണ്ണിന്‍റെ സ്വരം ഇനിയിവിടെ ഉയരരുത്
വാതില്‍ ചാരിനു മറവില്‍ ഒളിച്ചു വെച്ച -
ശരീരവുമായി അവള്‍ ജീവിക്കാതെ ജീവിച്ചു
വിവാഹനാളിലും അമ്മ കാതില്‍ മന്ത്രിച്ചു
എല്ലാം സഹിക്കണം പെണ്ണിന്‍റെ കടമയാന്നത്
അനിഷ്ടങ്ങളെ സഹിക്കുന്ന ,
അനീതികളെ പൊറുക്കുന്ന ,
ആത്മരോഷത്തെ അടക്കി ,
അവള്‍ ജീവിക്കാതെ ജീവിക്കുന്നു ,
ഗര്‍ഭ ഭാരത്തിലും ,
പെറ്റു നോവിലും ,
അവളാ വാക്ക് തുടര്‍ന്ന് കേട്ടു
സഹിക്കന്നം കാരണം
നീയൊരു പെണ്ണാണ്

No comments:

Post a Comment