പിരിയുകയല്ലേ

തുടർച്ചയായെരിയുന്നൊരു 
ചിതയായി ജീവിതം
എരി ഞ്ഞു കത്തുമ്പോൾ
അതിനകത്തെ ദുരന്തങ്ങളും
ബന്ധങ്ങളിലെ വിള്ളലുകളും ,
നിരന്തരം മതിൽക്കെട്ട് തീർക്കുന്നു .
പൊരുത്തക്കേടിന്റെ
ചതവ് നിറഞ്ഞ പരിക്കുകൾ ..

മനസ്സിലൂടെ പാഞ്ഞു പറക്കുന്ന
വിദ്വേഷത്തിന്റെ കടവാവ്വലുകൾ
സമനില തെറ്റിയ വാക്പയറ്റിൽ
ആത്മാവിനേറ്റ് പൊള്ളലുകൾ
പകയുടെ അധിനിവേശം പൂണ്ട്
എപ്പോഴും തോല്പ്പിക്കപെടുന്ന
മനസ്സിൽ ജീവിതത്തിനിവിടെ,
പ്രാണവായുവില്ലാതെ പിടയുന്നു